वाह, ताज- उस्ताद टाटा ते मनमोहन-- बाय बाय
अ) उस्ताद झाकीर हुसेन लहानपणी चहाच्या जाहिरातीतील उस्ताद झाकीर हुसेन जेव्हा प्रत्यक्ष मैफलित भेटू लागले तेव्हा जास्तच आवडू लागले होते. वडीलांमुळे नकळत्या वयातसुद्धा अनेक सांगितिक मैफिली मला पाहायला/ ऐकायला मिळाल्या. त्यातल्या गाण्यांपेक्षा वादनावर माझा जास्त भर होता. अशा अनेक मैफिलीतून उस्तादांची ओळख तबल्यामुळे होत गेली. त्यांचे चेह-यावरचे भाव, बोटांचे नर्तन बघायचे की कानाने त्यांचे, तबल्याचे बोल ऐकायचे अशा संभ्रमात मी पडायचे. विशेष करुन उतार-चढाव-जुगलबंदी - (सतार, सरोद आणि संतूर बरोबरची ) मनसोक्त मनोसक्त भिजायला व्हायचे. मृदुंग, घटम आणि पाश्चिमात्य वाद्यांबरोबर ते जास्त खुलून जात. त्यांचे मृदु बोलणे, साधी राहणी आणि आकर्षक व्यक्तिमत्व खुपच आवडायचे. त्यांनी केलेले अनेक सांगितिक प्रयोग, फयुजन आणि वेगवेगळे बंदिशीला गेटवे ओफ इंडियानेसुद्धा दाद दिली असेल. ते वादन वातावरण अगदी भारुन टाकायचे. असा हा कलाकार कलेशी एकदम प्रामाणिक आणि सच्चा होता. त्यांचे अनेक...